بدنا عروس لهشب

القصة يا أخوان اني بعد مازهقت من العزوبية و )الدشارة ) طول النهار في شوارع وسط البلد والسهر لنصاص الليالي في مجمع رغدان(القديم ) مع شلة حارة غليص قررت اني اتجوز واكمل نص ديني .وليش لأ؟؟ أنا زلمة كسيب ويوميتي ماتقل عن خمس ليرات وعندي غرفة فوق دارنا بمطبخ وحمام متر في متر غير اني شب حليوة وعلى طول مشخص و بصراحة بيني وبينكم عمري الافتراضي بلش يخلص
فأنا قلت خليني الحق حالي .
وفي يوم وانا قاعد مع الحجة على السطح ساعة العصاري ونازلين شف في براد الشاي رميت هالكلمة ...
-ياما .. بدي اتجوز.
-أيش ياما؟؟ بدك تتجوز ... ياحليلة .. والله وكبرت يامقلعط وصاير زلمة .
-له له له ياحجة يعني مابيطلعلي؟؟
-لا ياما بيطلعلك ونص كمان .. ماشالله عليك زينة الشباب والله.. يخزي العين عليك .. ها .. و على مين حاطت عينك ؟
"انا زمان كنت عشقان وضحة بنت المختار بس الله يكسر جاهه ابو الجماجم لطشها مني بسياسة الأمر الواقع "
-بصراحة ياما مافي بنت محددة .. علشان هيك بلكن دورتيلي على بنت حلال واهلها ناس مستورين .
-خلص ياما .. انا من بكرة ببلش اللف على بيوت الحارة بيت بيت .. وانشالله برجع مجبورة .. ولا يهمك ياما .
-آآه .. بس بدك تعملي حسابك .. بدي اياها تكون حلوة وبتشبه (ديانا كرزون) وتكون متعلمة .. ولو بتشتغل بيكون احسن ما انتي عارفة البير وغطاه .
-والله يامسخمط وبتتشرط كمان .. هع هع هع هع هع .
( هاي ضحكة الحجة لما تكون مكيفة مني )
تاني يوم بلشت الحجة تلفلف على بيوت الحارة وتنقي من هان ومن هان وانا كل يوم ماوراي شغلة الا استنى في
وانا كل يوم ماوراي شغلة الا استنى في رجعتها واسمع الأخبار .. ظلت على هالحال أكتر من شهر.. بس لا حس ولا خبر .. وفي كل مرة إطلعلي شغلة في الجماعة …
هظول شايفين حالهم .. هاي منخارها كبير .. هاي قصيرة .. وهاي حولة .. ومن هالحكي .
انا قبعت معي وحلفت وراسي الف سيف اروح مع الحجة وادور بنفسي .. ماهو انا اللي بدي اتجوز مش الحجة !
-اسمعي ياما .. انا الحكي هاظ مابيزبط معي .. بدي اروح معك .. واعاين بنفسي ؟
-يخزيك يخزي... ولك عيب .. ايش بدك العالم تحكي علينا .
-مالي دخل ... يقولوا اللي يقولوا ...رايح يعني رايح .. ماهو حقي اشوف البنت واقعد معها وانا اللي اقول بتنفع ولا مابتنفع .
وفعلا صرت الفلف مع الحجة كل يوم .... اول بيت .. بيت ابوسمير ... وبيت ابو سمير يا اخوان مسيطر عليه بصراحة أم سمير... وابوسمير بإختصار مجرد طنجرة في البيت !! ومش غلط الواحد يكون طنجرة في بيته مرات بس مش على طول الخط زي ابو سمير!! . فتنا عليهم وأنا شايل في ايدي كيس موز صومالي ونص كيلو كنافة حبيبة وبعد السلامات والتحيات والمباوسات .. بلشت ام سمير تغرد ....
-ها يا ميكي .. وانت بلا صغرة ايش بتشتغل ؟؟
-(رأس مالي) ياخالة .
-ايش ؟؟
-رأس مالي .. يعني شغال لحسابي .
-اه فهمت .. بس ايش بتشتغل يعني ؟
نطت الحجة (لإنقاذ الموقف)....
-الٌعقبة لسمير ابنك .. ميكي عنده بسطة تين شوكي في وسط البلد ماشا الله عليها.. يوميتها ولا موظف الحكومة .. غير انه حر نفسه .. لا حد يتحكم فيه ولا يخصم عليه .. ولا يذل اهله منشان سلفة .
-ماشاء الله.. الله يحفظلك اياه يا ام ميكي .
شوي ودخلت سميرة بنتهم بكاسة الشاي .. اسم الله عليها .. طول وبياض .. وعيون ولا عيون سميرة توفيق .. حطت هالصنية ولزقت جنب إمها ... أنها تفتح تمها .. انها تبربش ..ابداً .. حاطه عيونها في الآرض ولا كلمة . ( زي الأرنب)..
انا بيني وبين نفسي قلت يمكن خجلانة والأدب نزل عليها .. بس الخجل والأدب في هيك حالة مابينفع .. ماهو لازم أعرف ايش انا بتجوز ولا هي الشغلة بطيخة ياحمرة ياقرعة ...
-ها والأخت سميرة ايش دارسة ؟
-...............
-طيب لمين بتحبي تسمعي اغاني؟؟
-......................... .
-طيب ايش رأيك في فهد بلان؟
-................
-وحداتية ولا فيصلية؟؟
-..................
همممم .. شو رأيك في اللي بيصير في العراق؟
" لازم ابين اني زلمة مسقف وبفهم في كل شي "
المهم انا اسأل فيها وهي لا من كمها ولا من فمها ..زيها زي الكرسي اللي قاعدة عليه .. انا ماعجبني الوضع بس البنت الله يستر عليها بتستاهل الواحد يصبر شوي ....
-خالتي ام سمير ... شكلها ( الأخت ) سميرة مستحية !! انتي فهمتيها ليش جايين ولا مفكراها زيارة عائلية؟؟
-لا يابنيي .. كيف لعاد .. بس بتعرف .. البنات بيخجلن من هيك شغلات ..
-آآآه طيب ياخالتي خلينا احنا نستأذن .. وانشالة الجمعة الجاي بنميل عليكم .
-انشالله .. انشالله
سكروا الباب ورانا من هان وماسمعت الا صوت سميرة بيلعلع ....
-قثمن بالله قثمن بالله ما باتثوجو ولو شو ماثار .. على اخر الزمن اتجوث تبع بثة تين شوكي .
(!!!!!!!)
طيييييييب ياثميرة .. فوق انك طلعتي( .......) كمان مابدك تتجوزيني ..! .. بثيطة .. بثيطة
وما ارجعنا عليهم يوم الجمعه

ههههههههههههههههههههه

اكيد هذا ثلج الصحراء

ههههههههه
حلوه كثير هالقصه الساخره
بنسمع عنها كل يوم بتكرر في مجتمعنا
عنجد ضحكتيني يا شماليه خصوصا بأختيارك لهجه لطيفه ومحببه الى قلبي
يسلموا ايديكي وكل الاحترام

واخيراً شفناك يا عمر
حمدلله على السلامه
وجودك بخير هون هو الاحلى والاجمل
طيب شوف هي الك ولثلج الصحراء




كان هناك سباق بين فريقين من المجدفين

((عربي)) و ((ياباني))

كل قارب يحمل على متنه تسعة أشخاص

وفي نهاية السباق وجدوا أن

الفريق الياباني انتصر بفارق رهيب جداً

وبتحليل النتيجة

وجدوا أن
الفريق الياباني يتكون من

1 مدير قارب و8 مجدفين

الفريق العربي يتكون من

8 مديرين و1 مجدف

حاول الفريق العربي تعديل التشكيل ليتكون من

مدير واحد .. مثل الفريق الياباني

وتمت إعادة السباق مرة أخرى


وفي نهاية السباق وجدوا أن

الفريق الياباني انتصر بفارق رهيب جداً

تماماً مثل المرة السابقة

وبتحليل النتيجة

وجدوا أن

الفريق الياباني يتكون من

1 مدير قارب و8 مجدفين

والفريق العربي يتكون من

1 مدير عام و3مديري ادارات و4 رؤساء اقسام و1 مجدف

فقرر الفريق العربي محاسبة المخطئ

فتم فصل المجداف

انا اسف على الغياب يا شماليه لكن الاوضاع كانت تعبانه هون وهسا احسن
الصحيح اني اشتقت كثير للمنتدى والاصدقاء
شكرا لترحيبك
ويسلموا ايديكي حلوه قصة السباق فعلا من واقع حالنا
مشكوووووووووووووووووره كتيييييييييير

العفو
طول ما بواسلنا بخير
احنا بخير
اللع يسمعنا عنكم الاخبار الطيبه
ويرجعكم سالمين

ههههههه حلوه شماليه

.............
رحول ما بدها اياني اتزوج طيب يا رحول
مشكوره شموله

الطمع بدين يا ثلج

ليش الشرع حلل باربع هههههههههههههههههههههههههههههههههههه

اربعه
اي من وحده مش شايفينك
ولى ناوي تنقرض يا ثلج
لااااااااااا

ههههههههههههههههههههههههههههههه
الجو حامي خايف اذوب

هههههههههههههههههه
تحياتي شموله وانا صارحيلك تردي على رحول

ههههههههههههههههههههههههههههههههههههههههههههههه

الله تسلملي ضحكتك اخ مراد نورت المنتدى بوجودك معنا
تحياتي الحاره ثلج

كبير يا ثلج
ويا هلا فيك اخ مراد

يا حيالله بهطله
بصراحه فقدت الامل برجوعك

انا اسف بس كان عندي ظروف وانا والله مشتاق لكم كثير

سلامه ضروفك
واحلى صباح الخير يا احلى ثلج في الصحراء
ثلج وفي الصحرا شو هاذ

غمرتيني بطيبة قلبك واصلك يا اجمل وارق انسانه شكرا لكي على مشاعرك النبيله تحياتي الحاره