كلمة شكر من القلب لكم

انشالله لبنى بيصلح بسرعه لترجعي عالمنتدى والله فأدتك من يومين بس الحمدالله هيك طمنتينا عليكي يالحب

بانتضارك لبنى

هلا وغلا

يا هلا بهطله لبنى
والله من بعدك ما الي غير فتوش وصالح وشويه فادي
حتى بفكر ما انزل مواضيع لانو الكل مطنشني
وحياتك مكانك خالي وما بسدو حد غيرك
يا رب تتصلح الامور عندك وترجع ايامك احلى من أول
اشتقتلك كثيييييييييييييير
ويسعد مساكي يا غاليه

و بالطبع لن انسى أن أخص الأخ صالح بالشكر على ردوده المميزة على مواضيعي و خصوصا في قسم الخواطر
أشكره فعلا على تلك الردود التي تؤكد تعمقه و تفهمه لكل ما سطر قلمي

__________________________________________________
سيدتي قرأتُ في مواضيعك
.
حبُ الوفاء
وزينُ الصفاء
وعينُ البكاء
وبراءةُ الصبا



.فكرت وفكرت
فقلت أن الوفاء
في الدمِ قد سرى
وفي عبارتِها
العذب أعتلا
قمم المودةِ
في القلب قد رسى
حب الوفاء


فما شدني لمتابعه مواضيعك سيدتي

بأنه انتي ومشاعرك تعرفين
ما تفعلين

عندما تتسامر النغمات
الصامدة
في وجة
تلك النسمات
الجارحة
بصدى الحبر



فلك مني كل حب واجلال
برغم ما قد سلف في العصر الذي احب ان اسميه
عصر الجاهليه في منتدى بين قوسين (المخروب)
لم اشك لحظه بانكم جميعا اصحاب قلوب طيبه
لا تعرفون الكره او الحقد بل تعرفون شيء
تعلمته منكم وهو البقاء للاوفياء
شكرا لكي سيدتي على ذكر اسمي
ودمتي للمنتدى ودام ابداعك
وعذرا على الاطاله
وكم اتمنى لو استطيع الرد بشيء يليق بأخلاصك للمنتدى
مع خالص حبي واحترامي
صالح

رحيل العمر هلا والله فيكي يا ألبي و الله جد جد اشتقتلكم كلكم
شو أعمل بهالحظ هاد والله ما عن بفوت على النت بالمرة إلي يومين ما صحلي حتى اشوف شو جديد المنتدى غير هلأ بس

جد اشتأتلكم كتير و اشتأت للمنتدى بس بإزن الله راجعة عن قريب

و أحلى تحية إلك يا ألبي

مجعص الهقط كتب:

انا عضو جديد لا اعرف شباب وصبايا المنتدى واضح من كلامك ان قلبك على المنتدى
اهلا وسهلا تشرفنا ...

أهلا و سهلا فيك أخي منور
بكرة بس تتعود على المنتدى والأعضاء الموجودين فيه راح يصير قلبك على المنتدى و بجوز أكتر مني كمان

أنا إلي موجودة بالمنتدى من يوم ما اتأسس و بحبه كتييييييير و كل الموجودين فيه بعزو علي و هم عيلة تانية إلي

اتشرفت فيك أخي و منورنا بوجودك ببينا

أخ صالح
أول شي بتشرف جدا بتواجدك بينا كعضو فعال من أعضاء منتدى ماتريكس إربد
تاني شي
صدقني وجودنا بهداك المنتدى المخروب خلانا نتعرف على بعضنا بطريقة يمكن بتظهرنا بغير صورنا الحقيقية و لهيك كان فيه كتير سوء تفاهم بين أعضاء المنتدى السابق
أما بالنسبة إلك إنت فأنا صدقا بعد ما قرأت ردودك و كتاباتك عندنا بهاد المنتدى اكتشفت فيك شي مختلف عن الشي إلي كنت شايفاه هناك على كل حال زي ما بقولولها إلي فات مات و أحنا أولاد اليوم و أصلا أنا شخصيا حابة ألغي أي ذكرى بتربطني بهداك المخروب و الشي الوحيد إلي فعلا أنا ممنونة فيه لهداك المنتدى هو تواجدي حاليا بين أعضاء جدا رائعين و مثقفين اتعرفت عليهم هناك و هم فعلا بالنسبة إلي عيلة تانية و بتشرف بتواجدي بينهم


من كل ألبي بتمنالك الخير و إنه يتحققلك كل شي حلو بتتمناه
و بتمنى من كل ألبي نكون فتحنا صفحة جديدة بالتعامل بينا و ننسى أي زعل أو خلاف سابق صار

وبالنهاية إحنا هون بالمنتدى كلنا أخوة و أخوات و عيلة وحدة وجودنا بالمنتدى للمعرفة و الثقافة و التسلية و التعرف على ثقافات جديدة من خلال تعاملنا مع بعضنا

أخ صالح كمان مرة بتشرف فيك و بالتعامل مع حضرتك و بشرفني وجود ردودك على مواضيعي إلي صدقا كان إلها صدا أضفى جمالية على أي مساهمة إلي

لك مني جزيل الشكر و أجمل تحية تقدير لشخصك الكريم

أختك
لبنى

انشالله يصلح بسرعه يا نقيب

لبنى المنتدى بدوونك مو حلو

شكرا لبنى على الكلمه الطيبه التي تدل على انتمائك الحر القوي ومشاركاتك اليوميه الملحوظه التي اثارت كل الاهتمام .. مشكوره على كل ما قدمتي وستقدمين ونحن جميعا نعرف عطائك .. وكم هو جميلا ان نكون اسرة واحده قريبين من بعض رغم المسافات الفاصله بين كل شخص واخر .. الا ان مجرد تعارف الجميع مع بعض هو قوة لهذا المنتدى ولثقافة هذه الامه .
شكرا لك ولكل اسرة المنتدى وادارتها ومشرفيها واصحاب الاقلام الرائعه المعطائه التي لا تنضب .. شكرا لكل من ساهم في هذا المنتدى ورفع من شانه .
فانت تستحقين هذا الوسام لانتمائك القوى وتواصلك اليومي بانتظار كل ما هو جديد كالعاده .. مع كل الود والاحترام