من تحت لتحت

لو تعرف الخطايا كيف كنت محروم
كان سود الليالي يوم طحت سمحت

لو هموم المفارق مثل كل الهموم
ماتشوفون عيني بالدموع سبحت

ولو تحن المشاكل عقب حب الخشوم
كان حبيت خشم المشكله واستحت

بين صدة عزيز وكبرياء مهزوم
عين شحت على وعينٍ استسمحت

بس مالله خلقني من بكاي معصوم
وادري انه المحاجر لو تفيض افضحت

والله اني على جرحي صبور وكتوم
لكن ان الدموع ان روحت روحت

اعذلتني ظروفي وانهكتني عزوم
والوجيه احزنت لي والقلوب افرحت

اشهد ان الليالي ماتعرف السلوم
قلب جافي لقاه ووجه صافي بحت

راهنتني تبلل بالدموع الكموم
ويشهد الله عليها راهنت واربحت

احرمت نور عيني من غلا ريم قوم
بذرةٍ وارتوتني واثمرت واطرحت

جادلٍ دوم ماهي مثلها كل يوم
استضاحت غموض وبالغموض اوضحت

دورت بين قلبي والهدب درب نوم
وامرحت وين مدري المهم امرحت

تنحت اسمي بقلبٍ جيت فيه معزوم
واسمها بين جلدي والعظام انحت

مثل جفني لعيني بالنعاس محكوم
كل مانمت نامت كل ماصحى صحت

ماتعارض كلامي غير عند اللزوم
بس لا قمت اسولف واندمجت سرحت

دايم ازعل عليها بس قلبي رحوم
وهي تموت بعذابي من تحت لي تحت

مثل وجه العلاقه في ثياب الخصوم
ان تطيبت طابت وان جرحت اجرحت

خصها الله بوصفٍ من خيال معدوم
لا اذان اسمعتبه ولاعيون المحت

كن ربي خلقها من بياض الغيوم
ومن كفوف السحابه بالورد القحت

عن سواها فرقها بالقمر والنجوم
وكل عذرى تباها بالجمال انزحت

بالحلا هي كوم وباقي الناس كوم
كفتٍ عادلوها بالبشر وارجحت

حسبي الله على اللي مابغاها تدوم
من بعد كيف كانت شوف كيف اصبحت

لاتحقق وصال ولا فراق محتوم
خطةٍ قربتني للفشل وانجحت

لعنة العشق تبقى مثل ضرب السهوم
لو محى الوقت جرحه صورته ما انمحت

كيف ابنسى وانا اللي من جفاف لسموم
ماحشمت العيون ولا الدموع فلحت

كانها بالحميا كل ربعي قروم
لو يلدون لاصعاب الظروف صلحت

اجزم ان كنت ياقلبي شجاع وجزوم
لد لعيون بنتٍ لا التفت الفحت

ماتهين البخيل الا يدين الخدوم
دام كف الخطايا بالجفا لوحت

نطح الباس باس ونطح اللوم لوم
وان تهدت تهد وصيح ان صيحت

ياتعيش بمعزه ياتموت محشوم
ودك ان الليالي لافعلت امدحت

عمر ضعف الاراده مايسر الرخوم
ضربت السيف لوبيدين الشجاع ذبحت

انت يا جارحني مهما تعذبنـي مهمـا تسوي يا أنت يا أنـا

انت يا جارحني مهما تغلّبنـي بتحمـل طعونك و كل العنـا



بقتلك بعنادي قبل ما تقتلنـي وبصبر على صدك ومر الجفـا

بقهرك بسكوتي الين تتركنـي بقهرك بصمتي وحنيني والوفـا



بحرقك بصبري قبل ماتحرقنـي وبحرق فيني كل لحظـة دفـا

بدفن جرحك قبـل مايدفنـي و الموت بيلقاك هناك أو هِنَـا



انت ياجارحني ماراح تغيرنـي أكيد راح ترجع لي أيام الهَنَـا

وربي على جرحك بينصرنـي وراح يعوضني عن كل الونـا



بتحمل وبصبر مهمـا تألمنـي راح أصبر يوم و برتاح سنـا

عشت معاك و حبك فهمنـي انه كله جراح و مالي فيه مُنـا



اسمعني ياجارحني يـامعذبنـي مهمـا تسوي يا أنت يا أنـا

صدقـني مستحيل تموتنـي الروح يحكمها خالق السمـا



وغير الصبر ولا شي يصبرنـي وغير الصبر ياصبري محدٍ لنـا

وغيرك ياجارح محد يجرحنـي وغير بعدك عنـي مالي دوا



ياجارحني راح أبعدك عنـي وببقى أحب مادمت أشم الهوا

خلاص وروح و لا تكلمنـي الموضوع بيني وبينك انتهــا

والله اني على جرحي صبور وكتوم
لكن ان الدموع ان روحت روحت



لا تعليق على عذب الكلام
الف شكر ميمو

دورت بين قلبي والهدب درب نوم
وامرحت وين مدري المهم امرحت


الله يعطيك العافيه خيو ميمو

العفو ومشكورين عبود بنت الشمال لارا لمروركم

لا العفووووووووووو واجبنا انرد اكيد