بصي يا فتوكه ..الرزاله علم

بصى يا فتوكة


نفذى اللى هقولك عليه وانت تبيقى محترفه رزاله لا سمح الله يعنى :-



قولى نكته طويلة و لما تيجى عند آخر سطر - وهو السطر المهم اللى فى الأفيه - أعملى نفسك نسيته ، لو حد غلس عليكى قولى " و الله كانت نكته جامده بس الظاهر أنى نسيتها "
· هاتى بخاخة مطهر ديتول و أمشى ورا شخص معين فى اى حته ، و كل ما الشخص دا يمسك حاجة و يسيبها ... تروحى رشاها بالمطهر على طول .
· و أنتى بتتكلمى فى موضوع أقطعى كلامك و أدى أنطباع أنك هاتكملى ... و ماتكمليش ... بس خلاص كده !!!

· و أنتى فى مطعم ... بص للى قاعد على الترابيزة اللى جنبك و أنتى ماسكى لقمه فى ايديك و قولى له " ممكن الطحينه بتاعتك ثوانى ؟" !!!

· كل ماحد يقولك حاجة عيدها بصيغة سؤال ، مثلا هايقول : مش أنا اتجوزت ، قولى " أتجوزت ؟! " هيقول : أه الشهر اللى فات ، قولى " الشهر اللى فات ؟! " و هكذا .·
و أنتى بتتكلم مع حد برقى عينيك فجأة و اسأليه " سمعت ؟! " هيسألك سمعت أيه ؟ ، قولي " ولا حاجة ... راحت خلاص" !!!
· بعد عشر دقايق كرر نفس الحركه تانى
· و أنتي بتتكلم مع حد ، ماتبصش فى وشه ابدا ، حسسيه أنك قرفانه منه ومش طايقاه من الآخر .· و أنتى بتتكلمى مع حد ، افضلى مركزه فى وشه جامد ، لغايه ما هوا يقرف منك فى الآخر .
طول ما انتى قاعده مع زمايلك فى الشغل ، صفر موسيقى نشيد بلادى ، و صدقينى هايحدفوكى بأى حاجه فى وشك أيه الرزاله اللى انت فيها دى أرحمينا بقى !!! تقصدونا انا ولا الرزله اللى بتعمل كدة
· و أنتى بتصورى ورق و في حد مستنيكى ، اول ماتخلصى اظبط مكنة التصوير على 98 نسخه و قولى بابتسامة واسعة " اتفضل "أستلفى قلم من حد ، و حطى القلم فى بقك ، و أعملى نفسك بتفكرى و منهمكة و أنت عمالة تعضعضى في القلم ، أوووف يخرب بيت الرزاله
· أعزمى ناس في حفلات ناس تانيه " عيد ميلاد أو فرح او خطوبه ... " .في حفلة عيد ميلادك أطلب من ال D.j أنه يشغل أغنية يعيدها 18 مره ورا بعض ... " أنا بحب الأغنية دى اوى يا جماعة " ، يا رزالتك يا اختي

لو واقفة جنب حد بيعد فلوس و في وسط ماهو بيعد ، قولة بصوت عالى أى رقم عشوائى 862 !!!

ألعب فى ألوان التليفزيون لحد ماتبقى كل الناس لونها بنفسجي ، و أعزمى أصحابك يتفرجوا عالفيلم عندك ... و لو حد اعترض ، قولى " أنا شايفة أن دا لون الحياة الحقيقي " ، مش عاجبكوا اتفرجوا في بيتوكم أحسن ياسلام بقا لو تغيرى قناة التلفزيون قبل نهاية الفيلم ب5 دقايق
ألبسى جراب زي اللى بيحطوا فيه المسدس ... بس حطى فيه الريموت كنترول .· .




وكده بقه انا أديتكم العلم اللي ممكن تنتفعوا بيه وتغتتوا على خلق الله عشان الناس تمشي تكلم نفسها في الشارع أكتر مهيه متنيله كمان وكمان