اولا د الشوارع ..

اولا د الشوارع ..



وانا مالى .. انا طلعت وبقيت طفل شوارع .. من غير ما اعرف .. طب مين اهلك .. انا معرفيش اهلى .. انا اهلى عايشين ومخلفين كتير .. ومش قادرين على مصاريفنا .. انا اهلى طلقوا بعض ورومونى فى الشارع .. انا اهلى .. وانا اهلى .. !!!!!!!

تكررت الاسئلة وعجزت الحلول .. واثيرت هذه القضية ..فى الاعلام والصحف .. ولكن الى متى .. هذه الظاهره فى انتشار .. تعددت طرح المشكلة .. ووجدت الحلول .. ولكن العدد بازدياد .. متى تنفيذ الحلول .. ؟؟

عند نزولنا الى الاسواق .. والشوراع .. ففى المره الواحده نقابل حوالى من 3 الى 5 من اطفال الشوارع خلال نصف ساعة ... بل اصبح ليس الاطفال فقط بل يوجد فتيات فى سن 17 الى 20 ايضاً بالشوارع .. ورجال كبار بالسن .. هل اصبح الشارع مأوى لعدد كبير .. من المصريين ..ام اصبح الشارع هو ملجأهم الوحيد لحل مشاكلهم .. التسول والسرقه .. هى قوانين الشارع .. فقد اختلط الصالح بالطالح .. واصبح قانون الشارع سائداً .. ويحكم الاطفال .. الى متى نحن فى هذه الغيبوبه .. ايعقل ان تترك الاطفال هكذا .. ثم نلوم الاهالي .. ونلوم العالم .. لما لا نتبنى هذه القضيه .. كل مجموعه تقترح اكثر الحلول مساعدة فى الحد من هذه الظاهره .. لما لايتم توعيه الاهالى ... لما كل العالم يتقدم ونحن نتأخر .. الى متى تأجيل الاجابة على هذه التسؤلااات والى متى نحن بغفله عن تلك القنبلة الموقوتة ..؟؟

تعالوا معى نري .. هذه الحالات .. التى تم مقابلتها .. وهذه اجابتهم ..



"أنا عندي 18 سنة عاوز مكان أبات فيه ، أكل وشرب نظيف . مش لاقي معاملة كويسة في الشارع الناس كلها بتفكر في مصالحها وبس ، وأنا بقى لي 8 سنين في الشارع مش لاقي علاج لعنيا كل ما أروح لصيدلية تطردني .. مبحسش إن الناس بتحبنا .. محدش حاسس بينا ".

هذه أقصى أماني طفل موجود في الشارع ، حظه العثر لم يوجده في أسرة مستقرة مادياً واجتماعياً ، فلم يجد حضناً أدفأ من الشارع . صحيح أن قضية التوربيني وأعوانه ألقت الضوء على مأساة أطفال الشوارع ، وفجأة هدأت الوعود الكبيرة بالإصلاح وعاد الوضع كما كان عليه.
ماذا يريدون ؟


ورغم أن الدراسات الرسمية لا تقر بمأساة أطفال الشوارع في أقسام الشرطة ، إلا أن الواقع يؤكد ذلك ، حيث يقص أحد الأطفال حكايته قائلاً : " أنا معرفش أهلي كنت عايش مع راجل كبير في السن اسمه عم صابر ، عشت معاه 5 سنين ولما مات صاحب العمارة طلب من مراته أنها تسيبني ليه كل يوم بليل ويديها فلوس كتير ، وكان عاوز يعمل معايا حاجات وحشة ، فهربت وسافرت كتير كنت بشحت وأمسح عربيات ".

ويتابع : " في مرة كنت نايم ولقيت واحد بيضربني على وشي ، صحيت لاقيته أمين شرطة وجرني على القسم علشان يشوف أنا عليا أحكام أم لأ .. أمين الشرطة في القسم كان بيوقفنا ويجردنا من ملابسنا ، ويضربنا بالقايش على ظهرنا ، واللي كان يبص وراه كان يخبط دماغه بالطبنجة ".


في نهاية حكايته يؤكد الطفل الذي لم يتعدَ الأربعة عشر عاماً من العمر أن الله يحبه لأنه تاب عليه من "مرمطة" الشارع ودخل إحدى الجمعيات الأهلية المعنية بأطفال الشوارع ، ويأمل في قطع شوط لا بأس به من التعليم حتى يصبح طبيباً يتمكن من علاج أمثاله من الأطفال مدمني شرب "الحشيش" وشم "الكللة " .


قسوة الإصلاحية




أما الطفل ( ح ) ، فأمنيته المستقبلية أن يعمل ضابطاً حتى يستطيع ضم جميع أطفال الشوارع في جمعيات تحميهم من مخاطر أقسام الشرطة والإصلاحيات ، وعبر عن أمنيتنه بقوله : أنا سبت البيت من زمان عشان مكانش عندنا فلوس ، أبويا وأمي سايبين بعض فقررت إني أخرج للشارع عشان أجيب فلوس ، كان في واحدة ست بتسرحني أنا وعيال كتير نبيع مناديل وتاخد مننا الفلوس وتسيب لنا جزء صغير قوي ، وآخر الليل نتكوم كلنا تحت الكبري ، وفي يوم جت الحكومة لمتنا كلنا ، ولما سألت الضابط انتوا واخدني على فين ضربني على وشي وقال لي كلام وحش وكانوا الظباط بيضربوني ، أما العيال اللي كانوا بيسرحوا معايا كانوا بيدافعوا عني من أي حاجة وحشة ".

ويضيف : " بعديها روحت الإصلاحية ، بس مقدرتش أعيش فيها عشان الشارع كان أحن عليا من المشرفين بتوع الاصلاحية ، وكان في حاجات وحشة بتحصل جوة مش مهم أقولها ، المهم إني هربت وطلعت تاني للشارع .. وكنت عارف ولد راح الجمعية خدني معاه وهنا رجعوني المدرسة تاني .

اطفال كل احلامها تعيش زيهم زى كل الاطفال لكن ظروفهم والزمن .. كان اقسي منهم .. فين قلوبنا .. فين مشاعرنا .. فين حقوق الانسان .. فين قلبك الرحيم .. بأخيك الانسان .. فين حب لاخيك كما تحب نفسك .. ؟؟

كارثة بنات الشوارع


ما بين الاغتصاب والممارسات غير الشرعية تواجه بنات الشوارع مصيرهن المفزع مع أبناء مجهولي النسب ، لا يعترف بهم آباءهم حتى وإن دلت الأم عليه ، من هنا يظهر لدينا الجيل الثاني من أطفال الشوارع .

تقول إحدى البنات عمرها 17 عاماً : " أنا عارفة أبو الولد مين ، وهو مش عاوز يطلع له شهادة ميلاد .. نفسي يعملوا شهادة ميلاد باسم الأمهات .. كان نفسي ألعب وأعيش طفولتي زي بقية الأطفال ، أنا نفسي ابني يطلع ظابط لكن العيلة مش هتشرفه .. مش عارفة اعمل ايه دلوقت ؟ أطلع الشارع أسرق ؟ ولا أطلع أعمل حاجة غلط ؟ نفسي في شغلانة أمان طول الوقت ".

اغتصاب بنات الشوارع والتحرش بهن أصبح ظاهرة مفزعة ، تقول (غ) : " أنا هربت من البيت وأنا عندي 13 سنة ، قعدت فترة كبيرة في الشارع و حصل لي حالات اغتصاب كثيرة ".

أما ( إ ) تحكي موقف تحرش قائلة : " في مرة كنت عاوزة أروح الحمام فدخلت فندق كبير قوي ، واحد قال لي تعالي هنا .. ودخلني حمام الرجالة ودخل ورايا .. قعدت أزعق فخاف وطلعني " .

لاحول ولا قوة الاّ بالله العلي العظيم .. وصل الحال بينا الى اننا نرمى بناتنا فى الشارع دحنا عرب مسلمين .. ازاى كده ..


ده جزء بسيط .. من ملايين القصص التى تدمى القلوب .. وتجعل البشر .. الذى قلبه حجر يلين اكثر مما نتخيل ..

اخوانى واخواتى .. اعرف جيدتً تعرضنا لهذه الظاهرة مراراً وتكراراً .. ولكن اليوم اعرضها .. لكى نتحدث .. مع بعضنا الاخر .. فى حل لهذه القنبلة .. بدعاء .. الى رب العالمين يرحمنا .. به .. من سؤاله .. عن اخواننا واطفالنا .. ماذا قدمنا لهم .. ما وجهة نظرك .. ما هو الخطأ الذي يجب علينا ان نصححه ..

اخوانى واخواتى اقرؤا بقلوبكم .. واتركوا انفسكم .. تجدوا اعينكم .. تنزف دماً لا دموع ..

طرحت امامكم .. قضيتي .. وقضية مصر اجمع ..

فما دورك يامصري\ة فى مواجهة الانفجار .. الذي نحن ننتظر انفجاره بين وقت واخر ..

اتمنى انى اكون وفقت فى العرض ..
واسأل الله تعالى ان يحفظنا جميعاً .. وان نحاول نجد الحلول التى تساعدنا فى المواجهه ؟؟؟

انتظركم .. فلا تحرمونى ردودكم ومناقشتكم الفعالة ..