حصريا على منتدى ماتريكس المنسف الكركي بالوصف واللهجه

المقادير
- زعاميط لبن كركي ( بعده جبجب )
2- رز تايجر وغيره لأ (مجرب) ههههههه :107::107:
3- سمنة بلدية (مجربة ) .:161:
4- اللحم بلدي :انتو أدرى في اللحم البلدي وما هو اللحم البلدي... ما ودنا مستورد نقرتين لعرض الصورة في صفحة مستقلة
5- ملح .


قدور ( طناجر) الطبخ:
1- طنجره أم أربع حلقات ( سعة 20ك لحم )
2- مغارف وكفاكير .
3- سدوره وسيعه وغويطه .
4- دلاوه للشراب (المرقة او المريسه)
5- غاز ( أو الطبخ على نار حطب )

الطريقه :
1- بنسمي باسم الله و نغسل اللحم دور أول ودور ثاني ودور ثالث لما نتأكد من نظافته وبنحط اللحم في الطنجرة أم أربع حلقات وبنصب عليه ميه وبنوقد تحتيه النار .
2- بننقع الرز في ميه ساخنه شويه . (يفضل فاترة)

3- بندق اللبن وبنمرسه على الأدين في هدم (قدر) وسيع . :107::107:

4-بنقطف الزفرة إللي بتطلع على وجه اللحم من فوق .

5-بنذوب السمنه في طنجرة على الغاز وبندير الرز عليها بعد ما انمصيه من الميه وبنرش عليه شوية ملح وبنحط علية ميه اللي تغطي الرز وبنخليه يستوي على نار هاديه مشان ما يشيط .

6- بنصفي شوية من مية اللحم إللي سلقناه وبندير عليه المريسه وبنتركه لما الشراب يعقد .

7- لما يستوي الرز واللحم بنفرد الشراك على السدوره وبنهر الرز علية وبنوزع اللحم على السدورة ( كل سدر 6ك لحم /8ك لحم ) وبنغز الروس في نص السدورة ( جمع سدر) وبنغطية في الشراك .

8- بندير المرقة في الدلاوة بعد ما نزلها ( نصفيها ) .

ملاحظات هامة:
1- خبز الشراك: لازم يكون عوس راعية الدار مو مطاط من السوق . :107::107:
2- بنزيّن السدر بإضافة البقدونس والصنوبر واللوز و ما شابه ... وحتى بدون ما نزينه بشهي

هيك بكون الأكل جاهز للتوزيع على المفارش ، وبعد ما ينحط الأكل على المفارش : بقول المعزب للضيوف : الله يحي الضيوف زارتنا البركة يا هلا ( إفلحو ) طبعأّ مع التشبير في الأدين لانه الكركي ما بستغني عن التشبير
. برد عليه الضيوف تحيا ألي يهلي ما يولي والله الدار دارنا .

ولما يمظي الناس من الأكل بثنو على المعزب الله يخلف ، مخلوف على الحلال ، في الأفراح وغيرها كثير مما يرفع العتب .

وصحتين وعافية أنا جاي عبالي منسف... . بس منسف كــــــــ كي ــــــــــر


(هو كل العوس عوس أي روحوا غاد )هاد وصف صاحبتي لالكم بس جد منسفهم رووووووووووعه

ههههههههههههههههه
الله يخليلك صاحبتك
عرفينا عليها
خليها تترجملنا الحكي قبل الطبخ

ههههههههههههههههههههه خلص رح اجيبها وتشرحلنا عملي شو رأيك رورو

[ندعوك للتسجيل في المنتدى أو التعريف بنفسك لمعاينة هذه الصورة]
لانك ما عزمتيني
مشكوره فتوش

والله نسوان اخر زمن
المنسف هي الاكله الاردنيه المشهوره
صاحبتك من الاردن وانتي من لوس انجلوس