- عماد مريان كتب:
-
السلام عليكم ورحمة الله
نظرا لاهمية هذا الموضوع قمت بفتح باب النقاش فيه هنا وارجو منكم التفاعل مع الموضوع بابداء الاراء ووجهات النظر بصراحة لتعم الفائدة للجميع.
في حياتنا اليومية حين نُسأل عن رفيق غالبا يكون الجواب (هذا فلان صديقي) لكن هل فلان هذا فعلا يحمل معنى الصداقة الحقيقي ام هي كلمة اصبحت تستخدم في غير محلها؟؟
ما مفهومك الشخصي عن الصداقة؟؟
هل تعتقد بوجود فرق بين الصاحب والصديق؟ وان كان هناك فرق فما هو؟
هل تتخذ اي شخص صديق ام هناك اسس وقواعد لذلك؟وان كانت هناك اسس وقواعد فما هي؟
هل تولي ثقتك الكاملة لصديقك ام تعطيه جزء منها؟ولماذا؟
هل هناك عدد معين من الاصدقاء يجب التوقف عنده؟ ولماذا؟
من برأيك اقرب الصديق ام الاخ؟ ولماذا؟
هل تجعل صديقك في اختبار دائم ام تحدد وقت لذلك ؟
حين تتعرض لخيانة الصديق فعلى من تلقي اللوم عليه ام على نفسك ام على من؟
ارجو ان يعجبكم الموضوع وتنالوا الاستفادة منه وقد فتحته لانه بالغ الاهمية عندي ولا اعرف هل اصبت في ذلك انتظر منكم الردود
تمنياتي للجميع بالتوفيق الدائم
مسالخيرات اول شي
تاني شي موضوع قيم بحق ويستحق النقاش
بس هاد بدو قعدة وبدو شغل مخي لاقدر احكي واهما شي القهوة هههه
اوك رح اعتبرها وصلتني وابلش احكي
اول شي الصداقة كنز ثمين ورائع واعتقد من الصعب انه نلاقي بسهولة انسان وفي بحق لنطلق عليه كلمة صديق
الصديق هو الانسان الذي نجده بجانبنا في كل الاوقات السارة والضارة ولا يختفي ابدا يتفهمنا يسمعنا اي باستطاعتنا ان نفتح قلبنا له دون حرج
اكيد في فرق كبير بين الصاحب والصديق
الصاحب اي انسان ممكن نتعرف عليه ونشوفه ممكن اكتر من مرة ممكن نحكي انه صاحب بس ما بتتعمق علاقتنا معه ابدا يعني متل مرحبا اهلين كيفك هالحكي هاد بس ما بندخل بخصوصيات يعني حكي عام
اما الصديق بختلف كليا لانه بكون اقرب النا من روحنا وبفهمنا اكتر ما بنفهما نفسنا وبكون قريب النا لينصحنا اكيد
بعتقد انه الصداقة بزمنا هاد مو قوية يعني مو دايما بنقدر نلاقي صديق بمعنى الكلمة
ممكن بلحظة هاد الصديق يخونك وهون ما بعتقد اسمه صديق
ولا بستحق يكون صديق ابدا
الصديق ما بيجي بيوم وليلة ابدا
بعرف حكمة بتقول
( ليس الحكمة في ان تعرف الف صديق في سنة لكن الحكمة ان تعرف صديق لالف سنة )
وهاي بتبين معنى الصداقة لانه متل ما قلت ما بسهولة بنلاقي صديق بحق
اكيد في اسس للصديق بس ما بعرف يعني بالضبط شو احكي عنها لانه بحس انه فعلا صديق حقيقي من تصرفاته وكلامه من الي بصير معنا وقتها واكيد من مواقفه
من خلال مواقفه ببين اذا هوي صديق حقيقي ولا لا
اذا اعتبرته صديق وبحق اكيد رح احكيلو كل شي دون اي حرج وتردد لانه بالنسبة الي رح يكون كاتم اسراري وناصحي ومرشدي في نفس الوقت
مممم هل هناك عدد من الاصدقاء يجب التوقف عنده مممم مابعرف بس مابعتقد لا طبعا
نحنا ما بنصدق نلاقي اصدقاء بزمنا هاد واصدقاء بمعنى الكلمة واصلا بنعدو على الاصابع لو بدنا نصفيهن يعني ههههههههه
لهيك اكيد رح يعدو حالهن من حالهن ما رح نتوقف عند عدد معين
اكيد الصديق اقرب من الاخ لالي
الاخ ممكن اشعر بشيئ من الحرج او ما بقدر خبرو متلا كل شي اما الصديق اكيد رح يتفهم واقدر احكيلو كل شي لاعرف رايه او ينصحني واتناقش معه بكل حرية
يعني في حدود بالنسبة للاخ اكتر من الصديق
هل تجعله في اختبار دائم مممممممم هاد من المواقف الي رح تصير اكيد رح تبينه بعدو هوي الصديق الوفي الي بعرفه ولا اتغير مع الزمن متل الكل وقتا ببطل صديق وبكون كسر قواعد الصداقة الحقيقية
عندما اتعرض للخيانة لا سمح الله طبعا
بلقي اللوم على نفسي لاني اخترت هاي الانسانة كصديقة متلا وامنت الها وهي خانتني وقتها بكون غلطت باختيار هاي الصديقة وماعرفت اختار
ومابعرف ممكن على الزمن الي قدر يغيرها
مابعرف ان شالله كون جاوبت على اسئلتك بس اهما شي
ما تكون مليت وانت بتقرأ لاني طولت
بس بحب مواضيع النقاش وبنسى حالي فيها
وبصراحة موضوعك قيم
وبستحق الواحد يقعد ويمخمخ عقله ويفكر فيه كمان ههههههههه
بس وين القهوة شربت بس كاسة لازمني دلة هههههه
مشكوووووووور واسفة على الاطالة
ويسلم دياتك على الموضوع القمة في التميز
دمت بود