فشة خلق .. موظف

فشة خلق .. موظف

يآ أحبآط مآ بعدك أحبآط




موظف وقف عند السوبر ماركت اللي بحارته واشترى شوية أغراض
وعند الدفع طلب من صاحب السوبر ماركت انه يسجلهم عليه بالدين فرفض صاحب السوبر ماركت،، وقاله ما بتعامل انا إلا بالكاش موني!!!

فقاله الموظف متعجب: بدك كاش ؟؟

قاله صاحب السوبر ماركت أي ليش لأ ؟

فجاوبه الموظف :

لأنه الكاش غير متوفر بالأسواق المحلية

لأنه تجمع بأيدي شلة من الحرمية

والحرمية صارو كتار

والكترة غلبت الشجاعة

والشجاعة كنز لا يفنى

والكنز موجود بالمغارة

والمغارة ما بتفتح إلا لعلي بابا والأربعين حرامي

والأربعين حرامي صارو ملايين

والملايين عم تدفع لضعاف النفوس رشوة

والرشوة صارت حق

والحق يا حسرتي ضاع

والأكل ما عاد منو غذاء

والغذاء مقابل النفط

والنفط جاب البلا على روسنا

وروسنا تمرمطت بالأرض

والأرض مقابل السلام

والسلام صار استسلام

والاستسلام ضيّع الكرامة

والكرامة خسرت قدام الوحدة

والوحدة صارت حلم

والحلم سيد الأخلاق

والأخلاق تحولت لنفاق

والنفاق جمع نفق

والنفق صار شريان وحيد للحياة

وحتى ينبض شريان الحياة، لازم الجار يكون صالح

وصالح ما عادموجود بهالأيام

وبهالأيام صارت المفاهيم مقلوبة

والمقلوبة بدها بيتنجان ولحمة

واللحمة ماعادت تفوت لبيت الفقرا ولو نطحو الحيطان

والحيطان صارلها أدان

والأدان معبية البلد

وفي البلد صار في أكل هوا

والهوا صار فيه تلوث

والتلوث عشعش بالنفوس،والسجل المدني والقضاء

وللقضاء على القضاء صار بدنا قضاء وقدر

والقدر علينا مكتوب

والمكتوب ما في منو هريبة

والهريبة تلتين المراجل

والمراجل ما عادت لكل واحد

وكل واحد إله ساعة

والساعة أتية لا ريب فيها

يوم يأخذ كل ذي حق حقه الذي شفط منه في الدنيا

وعلى الدنيا السلام مشان الحصول على الأختام

والأختام عند المدام

والمدام كانت بنت البلد، وهلأ صارت روسية شقرا

والشقرا بتهز الأرض

والأرض بتتكلم عربي

والعربي ماحدا بيقدر عليه غير الله

والله اذا منضل على هالحالة لتسحبنا الكلاب


وبطـّلت أشتري

هههههههههههههههههههههههههههههههههههههههههههههههههه
حزين موظف ماكل هوا
الله يسعدك ابو سمور
مواضيع بتفتح القلب

حيا الله بنت الشمال يا هلا والله بالطله الجميله

ههههههههههههههههههههههههههههههههههه
مسكين الموظف
مشكور سمور

رائع